0
Saturday 18 Apr 2020 15:39

سندھ حکومت کا چھوٹے تاجروں کو کاروبار کی مشروط اجازت دینے کا فیصلہ

سندھ حکومت کا چھوٹے تاجروں کو کاروبار کی مشروط اجازت دینے کا فیصلہ
اسلام ٹائمز۔ سندھ حکومت نے چھوٹے تاجروں کو کاروبار کی مشروط اجازت دینے کا فیصلہ کیا ہے۔ تفصیلات کے مطابق وزیراعلیٰ ہاؤس کراچی میں صوبے کی تاجر تنظیموں کے نمائندوں نے وزیراعلیٰ سندھ سید مراد علی شاہ سے ملاقات کی۔ ملاقات کے دوران کاروباری سرگرمیوں پر لاک ڈاؤن کے اثرات پر تبادلہ خیال کیا گیا۔ وزیراعلیٰ سندھ نے کہا کہ سندھ کے تمام چھوٹے تاجروں کو محصولات کی مد میں آسانیاں دیں گے، صوبائی محصولات کی وصولی میں درجہ بندی کے اعتبار سے مراعات دی جائے گی، چھوٹے تاجروں کو آسان شرائط پر قرضے دلانے کیلئے بھی وفاقی حکومت سے بات کروں گا۔ وزیراعلیٰ سندھ سے ملاقات کے بعد میڈیا سے بات کرتے ہوئے تاجر وفد نے کہا کہ ایک ماہ سے زائد عرصہ ہوگیا، ہم گھروں میں بند ہیں، وزیرعلیٰ سندھ مراد علی شاہ سے مثبت ملاقات ہوئی اور انہوں نے اچھے انداز میں یقین دہانی کرائی، انہوں نے آن لائن کاروبار کی بات کی، وزیراعلیٰ نے کہا کہ پیر تک ضابطہ کار دے دیئے جائیں گے، امید ہے جلد کراچی میں مارکیٹیں کھلیں گی۔

ملاقات میں کاروباری سرگرمیوں سے متعلق اہم فیصلے کئے گئے، جس کے تحت چھوٹے تاجر ہوم ڈلیوری سروس کے تحت کام کرسکیں گے، وزیراعلیٰ سندھ نے تجویز دی کہ ہفتے کے دن بانٹ لیتے ہیں کہ کس دن کس سیکٹر کی دکانیں کھلیں گی، جس دن کپڑے کی دکانیں کھلیں، اسی دن درزی اور ان سے منسلک دکانیں کھلیں گی، اسی طرح جس دن اے سی کی دکانیں کُھلیں گی، اسی دن الیکٹریشنز اور اے سی لگانے والوں کی دکانیں بھی کھلیں گی۔ انہوں نے صوبائی وزرا پر مشتمل کمیٹی قائم کر دی، جس میں سعید غنی، ناصر شاہ اور امتیاز شیخ شامل ہوں گے۔
خبر کا کوڈ : 857467
رائے ارسال کرنا
آپ کا نام

آپکا ایمیل ایڈریس
آپکی رائے

منتخب
ہماری پیشکش