راولپنڈی:
اسلام ٹائمز۔ پاکستان فوج کے ذرائع نے کہا ہے کہ افغان طالبان نے شمال مغربی علاقے میں ریڈ کے دوران پکڑے گئے 16 پاکستانی پولیس اہلکاروں کے قتل کی ویڈیو جاری کر دی ہے۔ ویڈیو میں نہتے پاکستانی پولیس اہلکاروں کو لائن میں کھڑے دکھایا گیا ہے، جن کے ہاتھوں کو پیچھے کی جانب باندھا گیا تھا۔ جبکہ طالبان عسکریت نے اپنے چہروں کو نقاب سے ڈھانپا ہوا تھا۔ طالبان عسکریت پسندوں نے نہتے پاکستانی اہلکاروں پر سیدھی گولیاں چلائیں اور بعد ازاں ان کے سروں پر بھی گولیاں برسائی گئیں ۔مقتول پاکستانی اہلکاروں پر 6 بچوں کو ہلاک کرنے کا الزام عائد کیا گیا تھا۔ پاکستان فوج کے ترجمان میجر جنرل اطہر عباس نے واقعے کی تفصیلات بتاتے ہوئے کہا ہے کہ افغان طالبان نے شہید پولیس اہلکاروں کو اپر دیر ڈسٹرکٹ میں حملے کے دوران یرغمال بنا لیا تھا۔