اسلام ٹائمز۔ شامی خبررساں ایجنسی سانا کے مطابق شام کی مسلح افواج اور عوامی مزاحمتی فورسز کی طرف سے ملک کے جنوبی صوبوں درعاء و سویداء میں جاری کلین اپ آپریشن کے دوران داعشی دہشتگردوں کے خفیہ ٹھکانوں سے بڑی مقدار میں امریکی و یورپی اسلحہ برآمد ہوا ہے۔ شامی افواج کے مطابق دہشتگردوں کے ٹھکانوں سے برآمد ہونے والے امریکی و یورپی اسلحے میں امریکی ساختہ ٹینک شکن میزائل "ٹاؤ"، کندھے پر رکھ کر فائر کئے جانے والے میزائل، ہلکی و بھاری مشین گنز، آر پی جی راکٹس، مارٹر گولے، ڈرون لانچرز، پیشرفتہ سرویلینس کیمرے، وائرلیسز اور دوسرا جنگی سامان شامل ہے۔ واضح رہے کہ چند ہفتے قبل دمشق و قنیطرہ میں موجود دہشتگردوں کی خفیہ پناہگاہوں سے بھی بڑی مقدار میں امریکی و یورپی اسلحہ برآمد ہوا تھا۔
ملاحظہ کیجئے اس ویڈیو میں: