کورونا، چین میں یومیہ کیسز کی تعداد 10 تک آ گئی

اسلام ٹائمز۔ چین کے شہر ووہان سے پھیلنے والی عالمی وبا کورونا وائرس سے چین میں متاثر ہونے والے افراد کی تعداد کم ہو کر یومیہ 10 تک آ گئی ہے۔ چینی حکام کے مطابق ایک روز پہلے ہی چین میں کورونا وائرس کے 30 کیس رپورٹ ہوئے تھے جبکہ 10 نئے متاثرہ افراد میں سے 6 بیرون ملک سے آئے ہیں۔ چینی حکام کے مطابق ایسے متاثرین کی تعداد 42 سے کم  ہو کر 27 ہو گئی جن میں کورونا وائرس کی علامات نہیں ہیں۔ واضح رہے کی وبائی بیماری کورونا وائرس سے چین میں اب تک تقریباً 82 ہزار 8 سو افراد متاثر جبکہ 4 ہزار 632 ہلاک ہو چکے ہیں۔