QR Code

قابض امریکی افواج کا انخلاء نومنتخب عراقی قیادت کی اولین ترجیح ہے، کاطع الرکابی

13 May 2020 01:54

عرب ای مجلے المعلومہ کو انٹرویو دیتے ہوئے عراق پارلیمانی کمیٹی برائے قومی سکیورٹی و دفاع کے رکن نے کہا ہے کہ امریکی درخواست کیمطابق آئندہ ماہ جون میں بغداد اور واشنگٹن کے درمیان اسٹریٹیجک تعاون کے معاہدے پر گفتگو کیجائے گی جبکہ وزیراعظم مصطفی الکاظمی نے قابض امریکی افواج کے انخلاء کے حوالے سے ایک نظام الاوقات ترتیب دیدیا ہے جسکی تفصیلات عنقریب ہی منظر عام پر آ جائیں گی۔

اسلام ٹائمز۔ عرب ای مجلے المعلومہ کو انٹرویو دیتے ہوئے عراق پارلیمانی کمیٹی برائے قومی سکیورٹی و دفاع کے رکن کاطع الرکابی نے کہا ہے کہ قابض امریکی افواج کے انخلاء پر مبنی پارلیمانی قرارداد پر عملدرآمد نومنتخب وزیراعظم مصطفی الکاظمی کی اولین ترجیح ہے۔ کاطع الرکابی نے زور دیتے ہوئے کہا کہ امریکی درخواست کے مطابق آئندہ ماہ جون میں بغداد اور واشنگٹن کے درمیان اسٹریٹیجک تعاون کے معاہدے پر گفتگو کی جائے گی۔

عراقی پارلیمانی کمیٹی برائے قومی سکیورٹی و دفاع کے رکن نے کہا کہ وزیراعظم مصطفی الکاظمی نے قابض امریکی افواج کے انخلاء کے حوالے سے ایک نظام الاوقات ترتیب دے دیا ہے جس کی تفصیلات عنقریب ہی منظر عام پر آ جائیں گی۔ واضح رہے کہ جاری سال کے شروع میں امریکہ کی طرف سے ٹارگٹ کلنگ کی ایک کارروائی میں ایرانی سپاہ قدس کے کمانڈر جنرل قاسم سلیمانی اور عراقی حشد الشعبی کے ڈپٹی کمانڈر ابومہدی المہندس کے شہید کر دیئے جانے کے فورا بعد عراقی پارلیمنٹ نے اپنی سرزمین سے امریکی افواج کے فوری انخلاء کی قرارداد کو بھاری اکثریت کے ساتھ منظور کر لیا تھا۔

خبر کا کوڈ: 862336