اسلام ٹائمز۔ خیبر پختونخوا پرائیویٹ اسکولز مالکان نے حکومتی فیصلہ مسترد کرتے ہوئے یکم جون کو تعلیمی ادارے کھولنے کا مطالبہ کر دیا۔ صدر پرائیویٹ اسکول نذر حسین کا کہنا ہے کہ حکومت کے 15 جولائی تک اسکولوں کو بند رکھنے کے فیصلے کو مسترد کرتے ہیں۔ دوسری جانب والدین بھی حکومتی فیصلے کے حق میں سامنے آگئے اور کہا کہ پرائیویٹ اسکولوں کا کام صرف پیسے بٹورنا ہے، پرائیویٹ اسکول والے اپنے مفاد کیلئے اسکول کھول رہے ہیں اس لئے پرائیویٹ اسکولز کو چاہیئے کہ جب تک حکومت فیصلہ نہیں کرتی یہ اسکول نا کھولے۔ پرائیویٹ اسکول ایجوکیشن کونسل کے مطابق چھوٹے نجی تعلیمی اداروں کے پاس عمارت کا کرایہ ہے اور نہ ہی تنخواہیں دینے کو ہیں، حکومت ان کے حال پر رحم کرے۔