اسلام ٹائمز۔ خیبر پختونخوا فلور ملز مالکان نے کل سے صوبے بھر میں ہڑتال کا اعلان کر دیا۔ فلور ملز ایسوسی ایشن خیبر پختونخوا کے چیئرمین محمد اقبال نے کہا ہے کہ گذشتہ ایک ماہ سے زائد گزر جانے کے باوجود پنجاب سے گندم کی فراہمی بند ہے جس کی وجہ سے شدید مشکلات کا سامنا ہے۔ فلور ملز ایسوسی ایشن نے صوبے بھر میں کل سے ہڑتال کرنے کا فیصلہ کیا ہے۔ محمد اقبال نے کہا ہے کہ 180 فلور ملز دوران ہڑتال بند رہیں گے، فلور ملز کی بندش سے بے روزگاری میں مزید اضافہ ہوگا۔