1
Friday 22 May 2020 23:31
عالمی یوم فلسطین

آیت اللہ خامنہ ای کے بیانات یوم القدس سے کسی طور کم اہم نہیں، زیاد النخالہ

متحدہ مزاحمتی محاذ آج کسی بھی زمانے سے بڑھ کر طاقتور ہے
آیت اللہ خامنہ ای کے بیانات یوم القدس سے کسی طور کم اہم نہیں، زیاد النخالہ
اسلام ٹائمز۔ فلسطینی مزاحمتی تحریک جہاد اسلامی فی فلسطین کے سیکرٹری جنرل زیاد النخالہ نے عرب نیوز چینل المیادین کے ساتھ گفتگو کے دوران عالمی یوم فلسطین کو امتِ مسلمہ کی تاریخ میں ایک انتہائی اہم موڑ قرار دیا ہے۔ جہاد اسلامی فی فلسطین کے سیکرٹری جنرل نے اپنے انٹرویو میں اس بات پر تاکید کی ہے کہ عالمی یوم فلسطین کے حوالے سے ایرانی سپریم لیڈر آیت اللہ سید علی خامنہ ای کے بیانات کی اہمیت خود یوم القدس سے کسی طور کم نہیں۔

جہاد اسلامی فی فلسطین کے سیکرٹری جنرل زیاد النخالہ نے آیت اللہ سید علی خامنہ ای کے بیانات کو اہم اور تاریخی قرار دیتے ہوئے کہا ہے کہ ایران کی طرف سے عالمی یوم القدس کے اعلان کے ساتھ ساتھ آیت اللہ سید علی خامنہ ای کا موقف بھی اسلامی تاریخ میں سنہرے حروف کے ساتھ لکھا جائے گا۔ زیاد النخالہ نے حزب اللہ لبنان کے سیکرٹری جنرل سید حسن نصراللہ کے آج کے خطاب کو بھی مزاحمتی محاذ کے لئے انتہائی حوصلہ افزاء اور اطمینان بخش قرار دیا اور کہا کہ ہمارا ہدف قدس کی آزادی ہے جبکہ ہم خدا پر اپنے تمام بھروسے کے ساتھ روز بروز اس کے نزدیک سے نزدیک تر ہو رہے ہیں۔ انہوں نے اپنے انٹرویو کے آخر میں کہا کہ خطے میں موجود متحدہ مزاحمتی محاذ نے واضح طور پر یہ پیغام دے دیا ہے کہ آج وہ پہلے کسی بھی زمانے سے بڑھ کر طاقتور ہے۔
خبر کا کوڈ : 864301
رائے ارسال کرنا
آپ کا نام

آپکا ایمیل ایڈریس
آپکی رائے

منتخب
ہماری پیشکش