سکی کناری پن بجلی منصوبے کی تعمیر کورونا کی وبا سے متاثر نہیں ہوئی ہے، عاصم سلیم باجوہ

اسلام ٹائمز۔ معاون خصوصی اطلاعات عاصم سلیم باجوہ کا کہنا ہے کہ کورونا وائرس کے باعث سکی کناری پن بجلی منصوبے کی تعمیراتی سرگرمیاں متاثر نہیں ہوئیں، سستی بجلی پیدا کرنا ہماری اولین ترجیح ہے۔ معاون خصوصی عاصم سلیم باجوہ نے اپنے ٹوئٹ میں کہا کہ سکی کناری پن بجلی منصوبے کا پچاس فیصد کام مکمل کرلیا گیا ہے، منصوبے کی تعمیر کورونا کی وباء سے متاثر نہیں ہوئی ہے۔ عاصم سلیم باجوہ نے کہا کہ دریائے کنہار پر ایک ارب چھیانوے کروڑ تیس لاکھ ڈالر کے لاگت کے اس منصوبے سے آٹھ سو چوہتر میگاواٹ پن بجلی حاصل ہوگی جبکہ چار ہزار سے زائد ملازمتیں پیدا ہوئیں۔