اسلام ٹائمز - 18ویں ترمیم چھیڑی تو حکومت مشکل میں پڑ جائے گی، مشاہد ﷲ خان

18ویں ترمیم چھیڑی تو حکومت مشکل میں پڑ جائے گی، مشاہد ﷲ خان

سماجی رابطے کی ویب سائٹ کے ذریعے ریاض میں کانفرنس سے خطاب کرتے ہوئے لیگی رہنما کا کہنا تھا کہ حکومت نے چینی کی برآمد کی اجازت دے کر مجرمانہ غفلت کا مظاہرہ کیا۔

اسلام ٹائمز۔ مسلم لیگ (ن) کے سینیٹر مشاہد ﷲ خان نے کہا ہے کہ اٹھارہویں ترمیم کو چھیڑا تو حکومت کو بہت مشکلات کا سامنا کرنا پڑ سکتا ہے۔ سینیٹر مشاہد ﷲ سماجی رابطے کی ویب سائٹ کے ذریعے سعودی عرب کے دارالحکومت ریاض میں کانفرنس سے خطاب کر رہے تھے۔ کانفرنس میں مختلف مکتبہ فکر کے نمائندوں نے شرکت کی۔ مسلم لیگی رہنما نے کہا کہ حکومت نے چینی کی برآمد کی اجازت دے کر مجرمانہ غفلت کا مظاہرہ کیا۔ کانفرنس میں زاہد لطیف، خادم حسین، سردار شعیب، خالد اکرم رانا، راجہ یعقوب اور دیگر پارٹی رہنماؤں نے بھی اظہار خیال کیا۔