امریکی سینیٹ ترمیم،پاکستان کی فوجی امداد مشروط

واشنگٹن: امریکی سینیٹ نے ایک ترمیم کے ذریعے پاکستان کی فوجی امداد طالبان اور القاعدہ کے خلاف استعمال سے مشروط کر دی ہے۔ یہ ترمیم امریکی سینیٹروں  رابرٹ مینڈیز اور باب کروکر نے تجویز کی تھی۔جس کا مقصد امریکی فوجی امداد کو بھارت کے خلاف استعمال ہونے سے روکنا ہے۔اس ترمیم کے بعد امریکی محمکہ خارجہ اور دفاع اس بات کے پابند ہوں گے کہ وہ پاکستان کو کسی بھی ادائیگی سے پہلے امریکی امداد کے صحیح استعمال سے متعلق سرٹیفکٹ جاری کریں ۔ سینیٹر مینڈیز کا کہنا ہے کہ گذشتہ آٹھ سالوں کے دوران پاکستان کو سات ارب ڈالر دیئے گئے۔ تاہم طالبان کی سرگرمیوں میں واضح کمی نظر نہیں آسکی ہے۔