1
Sunday 31 May 2020 12:07

اب وقت آن پہنچا ہے کہ دنیا نسل پرستی کیخلاف متحد ہو جائے، محمد جواد ظریف

اب وقت آن پہنچا ہے کہ دنیا نسل پرستی کیخلاف متحد ہو جائے، محمد جواد ظریف
اسلام ٹائمز۔ اسلامی جمہوریہ ایران کے وزیر خارجہ محمد جواد ظریف نے امریکی ریاست مینیاپولیس میں سیاہ فام امریکی شہری جارج فلوئڈ کے سفید فام امریکی پولیس افسر کے ہاتھوں بےدردی کے ساتھ قتل کی طرف اشارہ کرتے ہوئے ٹوئٹر پر جاری ہونے والے اپنے ایک پیغام میں لکھا ہے کہ عالمی برادری کی جانب سے نسل پرستی کے خلاف کی جانے والی کوششیں ایک عرصے سے التواء کا شکار ہیں۔ ایرانی وزیر خارجہ نے اپنے پیغام میں لکھا کہ اب وقت آن پہنچا ہے کہ دنیا نسل پرستی کے خلاف متحد ہو جائے۔ ایرانی وزیر خارجہ نے اپنے پیغام کے ساتھ 2 سال قبل ایران کے اندر ہنگامے برپا کرنے والوں کے نام امریکی وزیر خارجہ مائیک پمپیو کا ایک پیغام بھی منسلک کیا۔ واضح رہے کہ امریکی ریاست مینیاپولیس میں سفید فام پولیس افسر کے ہاتھوں جارج فلوئڈ نامی سیاہ فام شہری کے ہولناک قتل کے بعد سے پورے امریکہ میں پرتشدد مظاہرے جاری ہیں جن میں پولیس کی سینکڑوں گاڑیوں و عمارات سمیت تاحال 1 پولیس اہلکار ہلاک اور دوسرا شدید زخمی بھی ہو چکا ہے۔
خبر کا کوڈ : 865731
رائے ارسال کرنا
آپ کا نام

آپکا ایمیل ایڈریس
آپکی رائے

ہماری پیشکش