?>?> ہمیں ثابت کرنا ہے کہ ہم ایک ذمے دار قوم ہیں، شبلی فراز - اسلام ٹائمز
0
Sunday 31 May 2020 13:27

ہمیں ثابت کرنا ہے کہ ہم ایک ذمے دار قوم ہیں، شبلی فراز

ہمیں ثابت کرنا ہے کہ ہم ایک ذمے دار قوم ہیں، شبلی فراز
اسلام ٹائمز۔ وفاقی وزیرِ اطلاعات سینیٹر شبلی فراز کا کہنا ہے کہ کورونا وائرس کو شکست دینے کے لیے احتیاط علاج سے بہتر ہے کے کلیے کو اپنانا ہو گا۔ سماجی رابطے کی ویب سائٹ ٹوئٹر پر وفاقی وزیرِ اطلاعات سینیٹر شبلی فراز کا کورونا وائرس کے حوالے سے بیان سامنے آیا ہے۔وفاقی وزیرِ اطلاعات نے سوشل میڈیا پر اپنے بیان میں مزید کہا ہے کہ ہمیں ثابت کرنا ہے کہ ہم ایک ذمے دار قوم ہیں، ہجوم نہیں ہیں۔ سینیٹر شبلی فراز کا یہ بھی کہنا ہے کہ ایمان، اتحاد، نظم و ضبط کے سنہری اصولوں پر عمل پیرا ہونا ہو گا۔ واضح رہے کہ لاک ڈاؤن میں نرمی کے بعد ملک بھر میں کورونا کیسز کی تعداد میں بے انتہا اضافہ ہوا ہے۔ پاکستان میں کورونا وائرس کے کیسز کی تعداد 69 ہزار 496 ہو چکی ہے، جبکہ اس موذی وباء سے جاں بحق افراد کی کُل تعداد 1 ہزار 483 ہو گئی۔ کورونا وائرس کے ملک میں 42 ہزار 742 مریض اب بھی اسپتالوں اور قرنطینہ مراکز میں زیرِ علاج ہیں، جبکہ 25 ہزار 271 مریض اس بیماری سے صحت یاب ہو چکے ہیں۔
خبر کا کوڈ : 865757
رائے ارسال کرنا
آپ کا نام

آپکا ایمیل ایڈریس
آپکی رائے

ہماری پیشکش