QR Code

جعلی ڈومیسائل کے معاملے پر اسمبلی سمیت ہر جگہ آواز اٹھائی، خواجہ اظہار الحسن

2 Jun 2020 23:41

کراچی میں نیوز کانفرنس کرتے ہوئے رہنما ایم کیو ایم پاکستان نے کہا کہ کراچی میں ایک سے 15 گریڈ کی نوکریوں پر کراچی کے نوجوان کیوں نہیں؟ ان کی نوکریوں پر مقامی لوگوں کا حق ہے لہٰذا سندھ کے عوام کو بیوقوف بنانا بند کریں، سندھ حکومت نے نوٹیفکیشن کے ذریعے عدالتی کارروائی پر اثر انداز ہونے کی کوشش ہے۔

اسلام ٹائمز۔ متحدہ قومی موومنٹ پاکستان کے رہنما خواجہ اظہار الحسن نے کہا ہے کہ جعلی ڈومیسائل کے معاملے پر اسمبلی سمیت ہر جگہ آواز اٹھائی تاہم عدالت سے جعلی ڈومیسائل کیس انصاف کی توقع ہے۔ بہادرآباد میں قائم پارٹی کے عارضی مرکز میں نیوز کانفرنس کرتے ہوئے ایم کیو ایم کے رہنما خواجہ اظہار الحسن نے کہا کہ جعلی ڈومیسائل کے معاملے پر اسمبلی سمیت ہر جگہ آواز اٹھائی لیکن کہیں سے کچھ نہ ہوا تو عدالت سے رجوع کیا، حکومت یہ نوٹیفکیشن نکال کر کس کو بیوقوف بنارہی ہے؟ سندھ حکومت کا نوٹیفکیشن غیرقانونی ہے، جعلی ڈومیسائل بنانے والے کون ہیں؟۔

انہوں نے کہا کہ کراچی میں ایک سے 15 گریڈ کی نوکریوں پر کراچی کے نوجوان کیوں نہیں؟ ان کی نوکریوں پر مقامی لوگوں کا حق ہے لہٰذا سندھ کے عوام کو بیوقوف بنانا بند کریں، سندھ حکومت نے نوٹیفکیشن کے ذریعے عدالتی کارروائی پر اثر انداز ہونے کی کوشش ہے جس کیخلاف توہین عدالت کی درخواست دائر کروں گا، ایم کیو ایم اس غیر قانونی نوٹیفیکیشن کو مسترد کرتی ہے۔

خبر کا کوڈ: 866272