اسلام ٹائمز۔ سوشل میڈیا پر اپنے مخصوص طرز خطابت سے مشہور ہونیوالے مولانا ناصر مدنی کو مرکزی جمیعت اہلحدیث پاکستان نائب ناظم مقرر کر دیا گیا ہے۔ مرکزی جمعیت اہلحدیث پاکستان کے امیر پروفیسر ساجد میر کی جانب سے جاری ہونیوالے نوٹیفکیشن کے مطابق مولانا ناصر مدنی کی دینی و مسلکی خدمات کے پیش نطر انہیں نائب ناظم کا عہدہ دیا گیا ہے۔ نوٹیفکیشن میں مولانا ناصر مدنی سے امید ظاہر کی گئی ہے کہ وہ پہلے سے زیادہ تنظیمی و دینی امور میں دلچسپی لیں گے۔