QR Code

کراچی سمیت سندھ بھر میں مویشی منڈیوں کی اجازت دینے کا فیصلہ

4 Jun 2020 13:33

محکمہ بلدیات سندھ کے اعلامیے کے مطابق محکمے نے مویشی منڈیوں کیلئے ایس او پیز تیار کرلیے ہیں۔

اسلام ٹائمز۔ حکومت سندھ نے کراچی سمیت صوبے بھر میں مویشی منڈیوں میں کاروبار کی اجازت دینے کا فیصلہ کیا ہے۔ تفصیلات کے مطابق سندھ کے تمام اضلاع میں بکرا، گائے منڈیوں میں خرید و فروخت کی اجازت دی جائے گی۔ محکمہ بلدیات سندھ کے اعلامیے کے مطابق محکمے نے مویشی منڈیوں کیلئے ایس او پیز تیار کرلیے ہیں، جن کے مطابق تمام ٹاؤن، میونسپل کمیٹیز،ڈسٹرکٹ کونسلز اور میونسپل کارپوریشنز کی حدود میں مویشی منڈیوں میں کاروبار کی اجازت ہوگی۔ ایس او پیز میں کہا گیا ہے کہ مویشی منڈی میں خریداروں کیلئے الگ لین مختص کی جائے۔

خبر کا کوڈ: 866551