QR Code

بدھ مت کے ثقافتی ورثے کو نقصان پہنچانے کا بھارتی پروپیگنڈہ صریحاً جھوٹ پر مبنی ہے، عائشہ فاروقی

5 Jun 2020 11:03

نجی ٹی وی کے مطابق ترجمان دفتر خارجہ نے واضح کیا ہے کہ بھارتی الزامات حقائق، اقوام متحدہ کے قوانین اور سیکیورٹی کونسل کی قراردادوں کے منافی ہیں۔

اسلام ٹائمز۔ پاکستانی دفتر خارجہ نے بھارت کی جانب سے کیے جانے والے ایک اور جھوٹے پروپگنڈے کو یکسر مسترد کردیا ہے۔ نجی ٹی وی کے مطابق ترجمان دفتر خارجہ نے کہا ہے کہ گلگت بلتستان میں بدھ مت کے ثقافتی ورثے کو نقصان پہنچانے کا بھارتی پروپیگنڈہ صریحاً جھوٹ پر مبنی ہے۔ ترجمان دفتر خارجہ عائشہ فاروقی کے مطابق گلگت بلتستان میں بدھ مت کے  ثقافتی ورثے کو نقصان پہنچانے کے الزامات کو مسترد کرتے ہیں۔ ترجمان دفتر خارجہ نے واضح کیا ہے کہ بھارتی الزامات حقائق، اقوام متحدہ کے قوانین اور سیکیورٹی کونسل کی قراردادوں کے منافی ہیں۔ پاکستانی سفارتکار کے ساتھ گزشتہ روز بھارت کی خفیہ ایجنسی کے حکام نے بدتہذیبی کی اور ان کی کار کو روکا جو نہ صرف سفارتی آداب کے منافی ہے بلکہ ویانا کنونشن کی صریحاً خلاف ورزی کے بھی مترادف ہے۔

 

خبر کا کوڈ: 866658