اسلام ٹائمز۔ متحدہ قومی موومنٹ پاکستان کے رکن قومی اسمبلی اسامہ قادری اور ان کے بیٹے کا کورونا کا ٹیسٹ مثبت آگیا۔ رکن قومی اسمبلی اسامہ قادری کا کہنا ہے کہ انہوں نے گھر پر اپنا اور بچوں کا ٹیسٹ کرایا تھا جس کی رپورٹ آئی ہے۔ انہوں نے بتایا کہ ان کا اور ان کے بیٹے کا کورونا ٹیسٹ مثبت آیا ہے۔ اسامہ قادری نے بتایا کہ وہ اسلام آباد میں ہیں جبکہ ان کا بیٹا کراچی میں ہے۔ انہوں نے سیلف آئسولیشن اختیار کرلی ہے، تاحال ان میں کورونا کی کوئی علامت ظاہر نہیں ہوئی۔