QR Code

اسلام آباد، کورونا مریضوں کی تعداد میں 4 گنا سے زائد اضافہ

15 Jun 2020 11:14

رپورٹ کے مطابق اسلام آباد میں کورونا کیسز میں مردوں کی شرح 66.41 فیصد جب کہ خواتین کی شرح 33.59 فیصد ریکارڈ کی گئی ہے۔

اسلام ٹائمز۔ وفاقی دارالحکومت میں میں گزشتہ 20 روز کے دوران کورونا مریضوں کی تعداد میں 4 گنا اضافہ دیکھا گیا ہے۔ اسلام آباد ڈسٹرکٹ ہیلتھ آفس کی اعدادوشمار کے مطابق اسلام آباد میں 26 فروری سے عیدالفطر (24 مئی) تک کورونا مریضوں کی تعداد محض 1592 تھی، جو اب بڑھ کر 8500 سے بھی تجاوز کر گئی ہے۔ اس طرح عیدالفطر سے اب تک اسلام آباد میں 7000 کے قریب نئے کیسز کا اضافہ ہوا۔ رپورٹ کے مطابق اسلام آباد میں کورونا کیسز میں مردوں کی شرح 66.41 فیصد جب کہ خواتین کی شرح 33.59 فیصد ریکارڈ کی گئی ہے۔ ایک سے 10 سال کے 657 افراد، 11 سے 20 سال کے 563 افراد، 21 سے 30 سال کے 1665 افراد، 31 سے 45 سال کی عمر کے سب سے زیادہ 1592 افراد، 46 سے 60 سال کے1588 افراد، 61 سے 80 سال کے 680 افراد، جبکہ 81 سال سے اوپر کے 50 افراد کورونا کا شکار ہیں۔

خبر کا کوڈ: 868656