اسلام ٹائمز۔ سندھ اسمبلی کے 17 جون کو ہونے والے بجٹ اجلاس ميں صرف 25 فیصد ارکان شرکت کرسکیں گے۔ تفصیلات کے مطابق سندھ کا بجٹ 17 جون کو پیش کیا جائے گا۔ اس حوالے سے ایس او پیز تیار کر لئے گئے ہیں۔ اجلاس میں صرف 25 فیصد ارکان کو شرکت کی اجازت ہوگی، جبکہ ديگر اراکين بجٹ سیشن میں آن لائن شرکت کریں گے۔ آن لائن شرکت کیلئے رولز میں ترمیم کی منظوری آج بروز پیر دی جائے گی۔ محکمہ قانون نے مسودہ بھی تیار کرلیا ہے۔ ایمرجنسی میں سندھ اسمبلی سیشن میں آن لائن شرکت کی جا سکے گی۔ سندھ پہلا صوبہ ہوگا، جہاں ارکان آن لائن اجلاس میں شرکت کرسکیں گے۔