اسلام ٹائمز۔ پیپلزپارٹی گلگت بلتستان نے جی بی کے عام انتخابات وقت پر کرانے کا مطالبہ کر دیا۔ سکردو میں پریس کانفرنس سے خطاب کرتے ہوئے پی پی کے صوبائی صدر امجد حسین ایڈووکیٹ و دیگر نے کہا کہ کرونا وائرس کے بہانے انتخابات کو تاخیر کا شکار کرنے کی مخالفت کرینگے۔ حکومتی ایس او پیز پر مکمل عملدرآمد کے ذریعے الیکشن کرائے جا سکتے ہیں کیونکہ پورے پاکستان میں مارکیٹ اور بازار کھلے ہیں تو پھر الیکشن کرانے میں کیا حرج ہے۔ رہنمائوں نے بائیومیٹرک سسٹم کے زریعے انتخابات کے انعقاد کی بھی مخالفت کرتے ہوئے کہا کہ یہ سسٹم دھاندلی کا ایک بہانہ ہے جس کی بھرپور مخالفت کرینگے۔