سندھ، انٹر سٹی روٹس پر چلنے والی پبلک ٹرانسپورٹ کے خلاف کارروائی کا آغاز

اسلام ٹائمز۔ سندھ کے محکمہ ٹرانسپورٹ نے انٹر سٹی روٹس پر چلنے والی پبلک ٹرانسپورٹ کے روٹ پرمٹس منسوخ کرنا شروع کردیئے۔ سندھ کے وزیر ٹرانسپورٹ اویس قادر شاہ نے کہا کہ پابندی کے باوجود بین الاضلاعی، بین الصوبائی پبلک ٹرانسپورٹ آپریشن جاری ہے اور ان کے خلاف کارروائی عمل میں لائی جائے گی۔ انہوں نے کہا کہ سندھ میں صرف انٹرا سٹی پبلک ٹرانسپورٹ کی اجازت ہے۔ علاوہ ازیں محکمہ ٹرانسپورٹ نے ہر ضلع کے لئے الگ الگ کمیٹی تشکیل دیدی۔ اسسٹنٹ کمشنر کی سربراہی میں 7 رکنی کمیٹی خلاف قانون چلنے والی پبلک ٹرانسپورٹ کو روکنے کے لئے اقدامات کرے گی۔