اسلام ٹائمز۔ سينٹرل جیل سکھر کے ايک سو سات قيديوں اور اٹھارہ ملازمين ميں کورونا وائرس کی تصديق کی گئی ہے۔ سکھر جیل حکام کے مطابق 107 قیدیوں اور 18 ملازمین میں کورونا وائرس کی تصدیق کے بعد انہیں قرنطینہ کر دیا گیا ہے۔ حکام کا کہنا ہے کہ سینٹرل جیل میں کل 1295 ٹیسٹ کیے گئے، جس میں سے 125 افراد کی ٹیسٹ رپورٹ مثبت آئی۔ ٹیسٹ مثبت آنے والوں کو سکھر جیل میں قرنطینہ کر دیا گیا۔ جیل انتظامیہ کا مزید کہنا ہے کہ متاثرہ ملازمین کے اہل خانہ کے بھی کورونا وائرس کی تشخیص کے ٹیسٹ بھی کروائے جائیں گے۔