QR CodeQR Code

کراچی میں سی ٹی ڈی کی کارروائی، ایم کیو ایم لندن کے 2 ٹارگٹ کلرز گرفتار

20 Jun 2020 21:28

ملزم مدثر پولیس اہلکار سمیت 6 افراد کی ٹارگٹ کلنگ سمیت دیگر سنگین نوعیت کے جرائم میں ملوث ہے۔ ملزم منہاج پاک کالونی میں کیبن چلا کر قانون نافذ کرنے والوں کی ریکی کرتا اور ٹارگٹ کلنگ ٹیم کو معلومات فراہم کرتا تھا۔


اسلام ٹائمز۔ کاؤنٹر ٹیررازم ڈیپارٹمنٹ (سی ٹی ڈی) نے کراچی کے علاقہ پیرآباد میں کارروائی کرتے ہوئے پولیس اہلکاروں و دیگر افراد کی ٹارگٹ کلنگ میں ملوث ایم کیو ایم لندن کے دو کارندوں کو گرفتار کرلیا۔ سی ٹی ڈٰی کے اعلامیہ کے مطابق گرفتار ملزمان میں مدثر اور منہاج شامل ہیں۔ ملزم مدثر پولیس اہلکار سمیت 6 افراد کی ٹارگٹ کلنگ سمیت دیگر سنگین نوعیت کے جرائم میں ملوث ہے۔ ملزم منہاج پاک کالونی میں کیبن چلا کر قانون نافذ کرنے والوں کی ریکی کرتا اور ٹارگٹ کلنگ ٹیم کو معلومات فراہم کرتا تھا۔ دونوں ملزمان کا تعلق ایم کیو ایم لندن گروپ سے ہے اور انہیں کارروائیوں کے احکامات وہاں سے ملتے تھے۔ سی ٹی ڈی نے دونوں کے خلاف مقدمہ درج کرکے تفتیش کا دائرہ وسیع کر دیا ہے۔


خبر کا کوڈ: 869833

خبر کا ایڈریس :
https://www.islamtimes.org/ur/news/869833/کراچی-میں-سی-ٹی-ڈی-کی-کارروائی-ایم-کیو-لندن-کے-2-ٹارگٹ-کلرز-گرفتار

اسلام ٹائمز
  https://www.islamtimes.org