QR CodeQR Code

ایم پی اے زہراء نقوی نے وزیراعلیٰ سے اشرف جلالی کیخلاف کارروائی کا مطالبہ کر دیا

27 Jun 2020 18:40

درخواست کی تائید میں صوبائی اسمبلی پنجاب کے بیشتر اراکین کے دستخط بھی درخواست پر موجود ہے۔ درخواست میں مطالبہ کہا گیا ہے کہ اشرف جلالی نے اہل بیت اطہار علیہم السلام کی شان میں گستاخی کرکے فرقہ واریت پھیلانے کی کوشش کی ہے۔ بنت پیغمبر سلام اللہ علیہا کیخلاف گستاخانہ کلمات کی ادائیگی توہین رسول (ص) ہے۔


اسلام ٹائمز۔ مجلس وحدت مسلمین پاکستان شعبہ خواتین کی مرکزی سیکرٹری جنرل و رکن صوبائی اسمبلی پنجاب سیدہ زہراء نقوی نے مولوی اشرف جلالی کیخلاف کارروائی کیلئے وزیراعلیٰ پنجاب عثمان بزدار کو تحریری درخواست دے دی ہے۔ درخواست کی تائید میں صوبائی اسمبلی پنجاب کے بیشتر اراکین کے دستخط بھی درخواست پر موجود ہے۔ درخواست میں مطالبہ کہا گیا ہے کہ اشرف جلالی نے اہل بیت اطہار علیہم السلام کی شان میں گستاخی کرکے فرقہ واریت پھیلانے کی کوشش کی ہے۔ بنت پیغمبر سلام اللہ علیہا کیخلاف گستاخانہ کلمات کی ادائیگی توہین رسول (ص) ہے۔ ملک کے مختلف تھانوں میں اشرف جلالی کیخلاف شیعہ سنی محبان اہلبیت (ع) نے درخواستیں دے رکھی ہیں۔ ہمارا مطالبہ ہے کہ اس شرپسند کیخلاف فوری اور سخت کارروائی کی جائے۔

درخواست میں کہا گیا ہے کہ اشرف جلالی کے خطبات، تقاریر اور نقل و حرکت پر مکمل پابندی لگائی جائے اور سوشل میڈیا مکمل طور پر بند کئے جائیں۔ انہوں نے کہا ستر ہزار سے زائد جانوں کی قربانیاں دے کر اس ملک کا امن بحال کیا گیا ہے۔ شرپسند عناصر ایک بار پھر فرقہ واریت کے ہتھیار سے ملک میں آگ لگانے چاہتے ہیں، ایسے ملک دشمنوں کیساتھ لچک کا مظاہرہ قومی امن کو داؤ پر لگانے کے مترادف ہے، وطن عزیز میں باہمی اتحاد و یگانگت اور رواداری کے فروغ کیلئے ایسی شخصیات کی حوصلہ شکنی ضروری ہے، جن کا ہدف قومی وحدت کو سبوتاژ کرنا ہے۔


خبر کا کوڈ: 871227

خبر کا ایڈریس :
https://www.islamtimes.org/ur/news/871227/ایم-پی-اے-زہراء-نقوی-نے-وزیراعلی-سے-اشرف-جلالی-کیخلاف-کارروائی-کا-مطالبہ-کر-دیا

اسلام ٹائمز
  https://www.islamtimes.org