0
Sunday 28 Jun 2020 22:04

کورونا وائرس کو لیکر انجمن شرعی شیعیان کے زیر اہتمام ڈاکٹروں و علماء کا مشترکہ اجلاس

کورونا وائرس کو لیکر انجمن شرعی شیعیان کے زیر اہتمام ڈاکٹروں و علماء کا مشترکہ اجلاس
اسلام ٹائمز۔ جموں و کشمیر انجمن شرعی شیعیان کے Philantrophy Chapter کی چیف آرگنائزر ڈاکٹر خیر النساء اور اراکین ایڈوکیٹ منتظر مہدی الموسوی، غلام محمد ناگو کی جانب سے حوزہ علمیہ جامعہ باب العلم میرگنڈ بڈگام کے محبوب ملت کانفرنس ہال میں تنظیم کے خانہ نظربند صدر آغا سید حسن الموسوی الصفوی کی ہدایات پر معتدد علماء دین اور ڈاکٹر صاحبان کا ایک مشترکہ اجلاس منعقد ہوا۔ اجلاس میں موجودہ وبائی صورتحال میں چار ماہ سے معطل ناگزیر دینی سرگرمیوں بالخصوص نماز جمعہ کی بحالی کے امکانات اور اس حوالے سے احتیاطی حکمت عملی پر تبادلہ خیال کیا گیا۔

اس دوران علماء دین نے نماز جمعہ کی شرعی اہمیت اور موجودہ وبائی حالات کے تناظر میں نماز جمعہ کے انعقاد کے حوالے سے شرعی احکامات اور لوازمات کا خلاصہ بیان کیا اور ڈاکٹر صاحبان نے اجتماعات میں وبائی بیماری سے محفوظ رہنے کے لئے لازمی احتیاطی تدابیر اور طور طریقوں کی وضاحت کی۔ تمام شرکاء اجلاس اس بات پر متفق نظر آئے کہ موجودہ وبائی صورتحال ابھی نہ جانے کتنی مدت تک جاری رہے گی لہذا احتاطی تدابیر کو روز مرہ زندگی کا شعار بناکر کاروبار زندگی اور دیگر اجتماعی سرگرمیوں کو بحال کرنے کے سوا کوئی چارہ کار نہیں ہے۔
خبر کا کوڈ : 871388
رائے ارسال کرنا
آپ کا نام

آپکا ایمیل ایڈریس
آپکی رائے

ہماری پیشکش