اسلام ٹائمز - حکومت کو کوئی خطرہ نہیں ہے، عمران خان

حکومتی اور اتحادی ارکان اسمبلی کے عشائیے کے شرکاء سے خطاب کرتے ہوئے وزیراعظم نے کہا ہے کہ گھبرائیں نہیں، وہ کہیں نہیں جا رہے، جو بہتری کرنی ہے اسی حکومت نے کرنی ہے۔

اسلام ٹائمز۔ وزیراعظم عمران خان کا کہنا ہے کہ انہیں ناکام کرنے کی سازش ہو رہی ہے، مگر کچھ نہیں ہو گا، ان کی حکومت کے سوا کوئی چوائس نہیں ہے اور حکومت کو کوئی خطرہ نہیں ہے۔ حکومتی اور اتحادی ارکان اسمبلی کے عشائیے کے شرکاء سے خطاب کرتے ہوئے وزیراعظم عمران خان نے کہا ہے کہ گھبرائیں نہیں، وہ کہیں نہیں جا رہے، جو بہتری کرنی ہے اسی حکومت نے کرنی ہے، آسانی سے پانچ سال پورے کر سکتے ہیں۔ انہوں نے کہا کہ اگر چینی مافیا کے خلاف ایکشن نہ لیتا تو میرے خلاف محاذ نہ بنتا، ایک دن بھی نہیں سوچا کہ میں ناکام ہوں گا۔وزیراعظم عمران خان نے عشائیے کے شرکاء کو تلقین کی کہ بار بار آنے جانے کی خبروں سے عوام کے اعتماد پر برا اثر پڑتا ہے، اس کو روکنا ہو گا۔