QR Code
کور کمانڈر کراچی لیفٹیننٹ جنرل ہمایوں عزیز کا پی ایس ایکس کا دورہ
30 Jun 2020 14:48
ذرائع کے مطابق کور کمانڈر کے اسٹاک ایکسچینج کے دورے پر پی ایس ایکس کے اطراف سکیورٹی کے انتہائی سخت انتظامات کئے گئے۔ کور کمانڈر کراچی نے پاکستان اسٹاک ایکسچینج کے عہدیداران سے ملاقات کی اور گذشتہ روز پیش آنے والے واقعے پر تبادلہ خیال کیا گیا۔
اسلام ٹائمز۔ کورکمانڈر کراچی لیفٹیننٹ جنرل ہمایوں عزیز نے پاکستان اسٹاک ایکسچینج کا دورہ کیا۔ گذشتہ روز پاکستان اسٹاک ایکسچینج پر دہشتگردوں کا حملہ ناکام بنایا گیا اور فورسز نے 4 دہشتگردوں کو صرف 8 منٹ میں مار گرایا جبکہ حملے میں ایک پولیس افسر اور 3 سکیورٹی گارڈ شہید ہوئے۔
کور کمانڈر کراچی لیفٹیننٹ جنرل ہمایوں عزیز پاکستان اسٹاک ایکسچینج پہنچے اور اس موقع پر ڈی جی رینجرز سندھ میجر جنرل عمر بخاری بھی ان کے ہمراہ تھے۔ کور کمانڈر کے اسٹاک ایکسچینج کے دورے پر پی ایس ایکس کے اطراف سکیورٹی کے انتہائی سخت انتظامات کئے گئے۔ کور کمانڈر کراچی نے پاکستان اسٹاک ایکسچینج کے عہدیداران سے ملاقات کی اور گذشتہ روز پیش آنے والے واقعے پر تبادلہ خیال کیا گیا۔
خبر کا کوڈ: 871719