اسلام ٹائمز۔ بارہمولہ کے شہری کا کورونا ٹیسٹ رپورٹ مثبت آنے کے بعد جموں کشمیر میں اس وائرس سے مرنے والوں کی تعداد بڑھ کر 126 ہوگئی ہے۔ میڈیکل سپر انٹنڈنٹ سکمز صورہ پروفیسر فاروق جان نے خبر رساں ایجنسی جی این ایس کو بتایا کہ بارہمولہ کے بزرگ شہری کو جمعہ کے روز داخل کرایا گیا تھا تاہم وہ شام کو انتقال کرگیا۔ اُس کی کورونا رپورٹ کا انتظار ہورہا تھا، جو آج مثبت آگیا۔ ان کی میت کو ابھی تک لاش گھر میں رکھا گیا تھا۔ اس سے قبل اننت ناگ، گاندربل اور ہندوارہ کے تین افراد آج کورونا کی وجہ سے جاں بحق ہوئے تھے۔