?>?> سندھ کی جیلوں میں 1196 قیدی کورونا وائرس کا شکار - اسلام ٹائمز
0
Sunday 5 Jul 2020 20:07

سندھ کی جیلوں میں 1196 قیدی کورونا وائرس کا شکار

سندھ کی جیلوں میں 1196 قیدی کورونا وائرس کا شکار
اسلام ٹائمز۔ محکمہ صحت سندھ کے مطابق صوبے بھر کی جیلوں میں 1196 قیدی کورونا وائرس کا شکار ہو چکے ہیں۔ صوبائی محکمہ صحت کی جاری رپورٹ کے مطابق کراچی سمیت سندھ بھر کی جیلوں میں 7 ہزار 660 قیدیوں کے کورونا ٹیسٹ کئے گئے جن میں سے 1196 قیدیوں میں کورونا وائرس کی تصدیق ہوئی۔ محکمہ صحت کے مطابق بیشتر قیدیوں میں کورونا کی علامات موجود نہیں ہیں جب کہ 467 قیدی کورونا کے باعث جیل میں ہی قرنطینہ میں موجود ہیں۔ رپورٹ کے مطابق  کورونا سے اب تک ایک قیدی جان کی بازی ہار چکا ہے اور 95 قیدیوں کے کورونا کے ٹیسٹ کے نتائج آنا ابھی باقی ہیں۔

صوبائی محکمہ صحت کا کہنا ہے کہ سب سے زیادہ کراچی سینٹرل جیل میں 905 قیدی کورونا کا شکار ہوئے ہیں جب کہ دوسرے نمبر پر سکھر جیل میں 141 قیدی کورونا کا شکار ہوئے اور سب سے کم تھرپارکر جیل میں ایک قیدی کورونا کا شکار ہوا۔ خیال رہے کہ سندھ بھر میں کورونا سے متاثرہ افراد کی تعداد 92 ہزار سے تجاوز کرچکی ہے جب کہ اب تک 1501 افراد کورونا سے ہلاک ہوچکے ہیں۔
خبر کا کوڈ : 872653
رائے ارسال کرنا
آپ کا نام

آپکا ایمیل ایڈریس
آپکی رائے

ہماری پیشکش