QR Code

مولانا فضل الرحمان پھر قوم کو بیوقوف بنانے کی کوشش کرنے جا رہے ہیں، فیاض چوہان

8 Jul 2020 12:39

وزیر اطلاعات پنجاب کا کہنا تھا کہ مولانا شاید یہ حقیقت ماننے کو تیار نہیں کہ انکا سیاسی کیریئر اپنے اختتام کو پہنچ چکا، گزشتہ دو سال سے مولانا ہر پارٹی کیساتھ مل کر حکومت کو ناکام ثابت کرنے کی بھرپور کوشش کر رہے ہیں، لیکن مولانا فضل الرحمان کو ہر اے پی سی میں جگ ہنسائی اور رسوائی ہی ملی ہے۔

اسلام ٹائمز۔ وزیرِ اطلاعات پنجاب فیاض الحسن چوہان کا کہنا ہے کہ مولانا فضل الرحمان ایک دفعہ پھر اے پی سی کے ذریعے متحدہ اپوزیشن اور عوام کو بے وقوف بنانے کی ناکام کوشش کرنے جا رہے ہیں۔ وزیراطلاعات پنجاب فیاض الحسن چوہان نے اپوزیشن کی اے پی سی پر تبصرہ کرتے ہوئے کہا کہ غیر متحدہ اپوزیشن جتنی ایڑیاں رگڑ لے، حکومت اپنی آئینی مدت پوری کرے گی، مولانا فضل الرحمان ایسے سیاسی پیراسائٹ ہیں جو اپنے مہربان کا خون چوس کر چھوڑ دیتے ہیں۔ انہوں نے کہا کہ تھالی کے بینگن کے مصداق مولانا کبھی ایک، کبھی دوسری پارٹی کی جانب لڑھک جاتے ہیں۔
 
فیاض الحسن چوہان کا کہنا تھا کہ مولانا شاید یہ حقیقت ماننے کو تیار نہیں کہ انکا سیاسی کیریئر اپنے اختتام کو پہنچ چکا، گزشتہ دو سال سے مولانا ہر پارٹی کیساتھ مل کر حکومت کو ناکام ثابت کرنے کی بھرپور کوشش کر رہے ہیں، لیکن مولانا فضل الرحمان کو ہر اے پی سی میں جگ ہنسائی اور رسوائی ہی ملی ہے۔ انہوں نے کہا کہ پی ٹی آئی کی موجودہ حکومت عوام کے ووٹ سے اقتدار میں آئی اور عوام کے اعتماد پر قائم ہے، نام نہاد متحدہ اپوزیشن کی صفوں میں پھوٹ اور ایک دوسرے پر بے اعتباری سب کے سامنے ہے۔

خبر کا کوڈ: 873211