اسلام ٹائمز۔ گلگت بلتستان میں کرونا وائرس کے 10 نئے کیسز سامنے آگئے جبکہ 39 مریض صحت یاب ہو گئے۔ محکمہ صحت سے جاری رپورٹ کے مطابق بدھ کے روز دس نئے مریضوں میں کرونا وائرس کی تشخیص ہوئی جبکہ دو اموات بھی واقع ہوئیں۔ جی بی میں کرونا وائرس کے مجموعی کیسز کی تعداد 1611 ہو چکی ہے جن میں سے ایکٹیو کیسز کی تعداد 302 رہ گئی ہے۔ بدھ کے روز سکردو سی ایم ایچ اور عبد اللہ ہسپتال میں زیر علاج کرونا کے دو مریض چل بسے۔ بلتستان میں کرونا سے اب تک 6 افراد جاں بحق ہو چکے ہیں۔