QR Code

ہندوستان کشمیریوں کا تشخص مٹانا چاہتا ہے، راجہ فاروق

13 Jul 2020 11:39

یوم شہدائے کشمیر کے حوالے سے اپنے ایک بیان میں وزیراعظم آزادکشمیر کا کہنا ہے کہ شہداء کشمیر کے مقدس لہو کے صدقے تحریک آزادی اپنی منزل مقصود تک پہنچے گی۔

اسلام ٹائمز۔ آزادکشمیر کے وزیراعظم کا کہنا ہے کہ میں 13 جولائی کے شہداء کو سلام عقیدت پیش کرتا ہوں۔ وزیراعظم آزادکشمیر راجہ فاروق نے یوم شہدائے کشمیر سے متعلق اپنے بیان میں کہا کہ 13جولائی 1931ء کو کشمیری ظلم اور آمریت کے خلاف کھڑے ہوئے تھے، اس دن کو کشمیریوں نے اپنے جذبات کا اظہار کیا تھا۔ راجہ فاروق خان نے کہا کہ کشمیریوں نے اپنے مقدس لہو سے کشمیر کی تاریخ بدلی، کشمیریوں کی ثابت قدمی کی وجہ سے ہندوستان کے پاؤں اکھڑ رہے ہیں۔ انہوں نے کہا کہ شہداء کشمیر کے مقدس لہو کے صدقے تحریک آزادی اپنی منزل مقصود تک پہنچے گی، ہندوستان کشمیریوں کا تشخص مٹانا اور حق آزادی ختم کرنا چاہتا ہے۔ وزیراعظم آزادکشمیر نے مزید کہا کہ ہندوستان نے گزشتہ برس 5 اگست سے کرفیو لگا کر کشمیریوں کو محصور کیا ہوا ہے۔

خبر کا کوڈ: 874093