پنجاب کابینہ نے تحفظ بنیادِ اسلام ایکٹ 2020ء کی منظوری دیدی

اسلام ٹائمز۔ پنجاب کابینہ کا بڑا فیصلہ، تحفظ بنیادِ اسلام ایکٹ 2020ء کی منظوری دیدی۔ ایکٹ کے نفاذ سے توہین آمیز یا گستاخانہ مواد کا مکمل طور پر تدارک ممکن ہوسکے گا۔ پنجاب کابینہ کی جانب سے منظور کردہ ایکٹ کے تحت ایسی کتب یا کوئی مواد جو حضرت خاتم النبین سیدنا حضرت محمد صلی اللہ علیہ وآلہ وسلم، صحابہؓ، خلفاء راشدینؓ، امہات المومنینؓ اور اہلبیت اطہارؑ کیخلاف ہو، اس کی اشاعت پر مکمل پابندی ہوگی۔ ایکٹ کے تحت کسی بھی پاک ہستی کی ناموس کے حوالے سے گستاخانہ مواد کی اشاعت یا تقسیم نہیں کی جاسکے گی۔ محکمہ اطلاعات و ثقافت کتب کی رجسٹریشن اور ریگولیشن کے حوالے سے انتظامی امور کی انجام دہی یقینی بنائے گا۔