0
Thursday 23 Jul 2020 00:57

چین اور امریکا کے درمیان سفارتی جنگ شدت اختیار کرگئی

چین اور امریکا کے درمیان سفارتی جنگ شدت اختیار کرگئی
اسلام ٹائمز۔ چین اور امریکا کے درمیان سفارتی جنگ شدت اختیار کرگئی ہے اور امریکا کی جانب سے ہیوسٹن میں قونصلیٹ بند کیے جانے کے بعد چین نے ووہان میں قائم امریکی قونصل خانہ بند کرنے پر غور شروع کردیا ہے۔ غیر ملکی خبر رساں ادارے کے مطابق ہیوسٹن میں امریکا کی جانب سے چینی قونصل خانہ بند کے جانے کے بعد چین ووہان شہر میں امریکی قونصل خانہ بند کرنے پر غور کررہا ہے۔ خبر رساں ادارے کا کہنا ہے اس معاملے کی معلومات رکھنے والے قریبی ذرائع نے بھی اس بات کی تصدیق کی ہے تاہم چینی وزارت خارجہ اور بیجنگ میں امریکی سفارت خانے نے ایسی اطلاعات پر تاحال کوئی تبصرہ نہیں کیا۔

اس سے کچھ دیر قبل بدھ کو امریکا نے ریاست ٹیکساس کے شہر ہیوسٹن میں قائم چین کا قونصل خانہ جمعے سے بند کرنے کے احکامات جاری کردیے ہیں۔ امریکی دفتر خارجہ نے مؤقف اختیار کیا ہے کہ یہ اقدام امریکی ’’حقوقِ دانش کے تحفظ‘‘ کے لیے کیا گیا ہے۔ تاہم چینی وزارت خارجہ کے ترجمان نے امریکا کے اقدام کو بلاجواز اور اشتعال انگیزی قرار دیا ہے۔
خبر کا کوڈ : 876020
رائے ارسال کرنا
آپ کا نام

آپکا ایمیل ایڈریس
آپکی رائے

ہماری پیشکش