اسلام ٹائمز۔ گورنر سندھ عمران اسماعیل کا کہنا ہے کہ کراچی میں بارش کی وجہ سے ہونے والے جانی نقصانات پر افسوس ہے۔ سماجی رابطے کی ویب سائٹ ٹوئٹر پر جاری کردہ اپنے پیغام میں گورنر سندھ عمران اسماعیل نے کہا کہ کراچی میں بارش کی وجہ سے ہونے والے جانی نقصانات پر افسوس ہے اور اس سلسلے میں اداروں سے کہا ہے کہ لوگوں کی مدد کریں۔ گورنر سندھ عمران اسماعیل نے کہا کہ بارش کے نقصانات پر وزیراعظم عمران خان سے بات کروں گا اور آئندہ ایسے اقدامات کریں گے کہ اس طرح کی صورت حال سے نمٹا جاسکے۔ عمران اسماعیل کا مزید کہنا تھا کہ کراچی کو تنہا نہیں چھوڑ سکتا کیونکہ یہ شہر ہمارا ہے۔ واضح رہے کہ گزشتہ روز کراچی میں ہونے والی بارش کے باعث کئی افراد مختلف واقعات میں جاں بحق ہوئے جبکہ کئی علاقوں میں ابھی بھی بارش کا پانی جمع ہے۔