اسلام ٹائمز۔ چئیرمین پاک سرزمین پارٹی مصطفیٰ کمال نے کہا ہے کہ صوبائی اور بلدیاتی حکومتوں نے کراچی اور حیدرآباد کو تباہ کردیا ہے، حیدرآباد کا انفرا اسٹرکچر موئن جو دڑو کے مناظر پیش کر رہا ہے۔ چیئرمین پی ایس پی نے ان خیالات کا اظہار حیدرآباد میں جنرل ورکرز اجلاس سے خطاب کے دوران کیا۔ اُن کا کہنا تھا کہ اللہ نہ کرے حیدرآباد میں کراچی جیسی بارش ہو، دعووں، تقریروں اور پریس کانفرنس کرنے سے حیدرآباد ٹھیک نہیں ہوگا۔ مصطفیٰ کمال نے مزید کہا کہ عوام ووٹ کی طاقت سے موجودہ حکمرانوں کو بدل دیں، حکمرانوں نے بنیادی سہولتوں سے عوام کو محروم رکھا ہوا ہے۔