اسلام ٹائمز۔ پاراچنار سے رکن قومی اسمبلی ساجد حسین طوری نے چئیرمین پاکستان پیپلزپارٹی بلاول بھٹو زرداری سے ملاقات کی، ملاقات میں مختلف امور پر تبادلہ خیال کیا گیا۔ اس موقع پر ساجد طوری نے انہیں ضلع کرم میں عوام کو درپیش مسائل سے آگاہ کیا۔ چئیرمین پاکستان پیپلزپارٹی بلاول بھٹو زرداری نے کہا کہ ضلع کرم سمیت قبائلی اضلاع میں عوام کو درپیش مسائل سے آگاہ ہوں۔ انہوں نے کہا کہ قبائلی عوام کے ساتھ مزید ظلم برداشت نہیں کیا جائے گا، بلاول بھٹو زرداری نے ضلع کرم میں قیام امن کیلئے ساجد طوری کی کوششوں کو بھی سراہا۔