شہر کے ہر کونے سے آلائشیں اٹھانے کو یقینی بنایا جائے، وزیراعلیٰ سندھ

اسلام ٹائمز۔ وزیراعلیٰ سندھ سید مراد علی شاہ کی جانب سے وزیر بلدیات سید ناصر حسین شاہ کو ہدایت کی گئی ہے کہ کراچی شہر کے ہر کونے سے آلائشیں اٹھانے کو یقینی بنایا جائے۔ وزیر بلدیات سید ناصر شاہ کی جانب سے اپنے ایک بیان میں کہا گیا ہے کہ ایس ایس ڈبلیو ایم اے آج صبح سے اچھا کام کر رہی، سید ناصر شاہ نے ایس ایس ڈبلیو ایم اے کو ہدایات جاری کرتے ہوئے کہا ہے کہ شہر کی صفائی یقینی بنائی جائے، مجھے صبح سے شام تک آلائشیں اٹھانے کی رپورٹ وزیراعلیٰ سندھ سید مراد علی شاہ کے لئے چاہیئے۔ سید ناصر شاہ نے مزید ہدایات جاری کرتے ہوئے کہا ہے کہ ڈی ایم سیز اپنے علائقوں میں آلائشین اٹھانے کے بعد اسپرے کرے اور جراثیم کش پاؤڈر بھی چھڑکیں۔