اسلام آباد، کشمیر ہائی وے کا نام تبدیل، نیا نام سری نگر ہائی وے ہو گا

اسلام ٹائمز۔ وفاقی دارالحکومت اسلام آباد میں واقع سڑک کشمیر ہائی وے کا نام تبدیل کر کے سری نگر ہائی وے رکھ دیا گیا، تمام ڈائریکشن بورڈز پر بھی کشمیر ہائی وے کو سری نگر ہائے وے کر دیا گیا ہے۔ ڈھوکری چوک، فیض آباد، زیرو پوائنٹ، گولڑہ موڑ اور ایکسپریس وے پر نئے نام کے بورڈ آوایزاں کر دیئے گئے ہیں۔ سری نگر ہائی وے کا باقاعدہ افتتاح 5 اگست کو ایک تقریب میں کیا جائے گا، اس ہائی وے کا افتتاح 2 مرحلوں میں ہو گا، پہلے مرحلے میں مراد سعید افتتاح کریں گے۔ سری نگر ہائی وے کے دوسرے مرحلے کا افتتاح وزیر داخلہ اعجاز شاہ کریں گے۔