QR Code

امریکا میں بڑے پیمانے پر ٹیسٹ کی وجہ سے زیادہ کیسز سامنے آئے، ٹرمپ

4 Aug 2020 07:29

امریکی صدر نے معروف امریکی نیوز چینل پر تنقید کرتے ہوئے کہا کہ فیک نیوز لوگوں کا دشمن بنا ہوا ہے، ہر وقت انہیں اور امریکا کو برا ثابت کرنے میں مصروف ہے۔

اسلام ٹائمز۔ امریکا کے صدر ڈونلڈ ٹرمپ نے کہا ہے کہ فیک نیوز لوگوں کا دشمن بنا ہوا ہے۔ صدر ڈونلڈ ٹرمپ نے ایک مرتبہ پھر معروف امریکی نیوز چینل پر تنقید کے نشتر چلا دیے۔ ڈونلڈ ٹرمپ نے کہا کہ فیک نیوز ہر وقت انہیں اور امریکا کو برا ثابت کرنے میں مصروف ہے۔ کورونا سے متعلق بات کرتے ہوئے ان کا کہنا تھا کہ امریکا میں بڑے پیمانے پر ٹیسٹس کی وجہ سے زیادہ کیسز سامنے آئے۔ صدر ٹرمپ نے کہا کہ ملک کے زیادہ تر حصوں میں بہتر اقدامات کیے گئے۔ امریکی صدر نے ایک مرتبہ پھر اسکولوں کو کھولنے پر زور دیا ہے۔

خبر کا کوڈ: 878174