0
Tuesday 4 Aug 2020 13:15

عوام کو مصنوعی مہنگائی کرنے والوں کے رحم وکرم پر نہیں چھوڑا جا سکتا، عثمان بزدار

عوام کو مصنوعی مہنگائی کرنے والوں کے رحم وکرم پر نہیں چھوڑا جا سکتا، عثمان بزدار
اسلام ٹائمز۔ وزیراعلیٰ پنجاب عثمان بزدار نے مصنوعی مہنگائی اور ذخیرہ اندوزی روکنے کے لیے بھرپور کارروائی کا حکم دے دیا۔ وزیراعلیٰ نے اس سلسلے میں صوبائی وزیر صنعت و پرائس کنٹرول ٹاسک فورس اسلم اقبال اور چیف سیکرٹری پنجاب کو مراسلہ ارسال کیا ہے۔ عثمان بزدار نے اپنے مراسلے میں گراں فروشی اور ذخیرہ اندوزی کے سد باب کے لیے ضلعی سطح پر پرائس کنٹرول کمیٹیاں فعال بنانے کی ہدایت کی ہے۔ انہوں نے کہا کہ کہ عوام کو گراں فروشوں کے سپرد نہیں کیا جا سکتا، اس سلسلے میں وہ غفلت قطعاً برداشت نہیں کریں گے، عوام کو مصنوعی مہنگائی کرنے والوں کے رحم وکرم پر نہیں چھوڑا جا سکتا۔ عثمان بزدار کا کہناتھا کہ وہ صوبے بھر میں مہنگائی، ناجائز منافع خوری اور ذخیرہ اندوزی کے خلاف کارروائیوں کی خود مانیٹرنگ کریں گے اورکوتاہی ثابت ہوئی توکسی کو معاف نہیں کریں گے۔
خبر کا کوڈ : 878255
رائے ارسال کرنا
آپ کا نام

آپکا ایمیل ایڈریس
آپکی رائے

ہماری پیشکش