اسلام ٹائمز۔ خیبر پختونخوا کے قبائلی ضلع جنوبی وزیرستان میں اراضی کے تنازعہ پر 2 گروپوں میں فائرنگ سے 3 افراد جاں بحق ہوگئے۔ پولیس کے مطابق جنوبی وزیرستان کی تحصیل تیارزہ کے گاؤں خیسورہ میں اراضی کے تنازع پر 2 گروپوں میں تصادم ہوگیا اور فائرنگ کے نتیجے میں 3 افراد جاں بحق ہوگئے، جن میں راہ گیر بھی شامل ہے۔ واقعے کے بعد پولیس کو اطلاع دی گئی، جس نے موقع پر پہنچ کر 5 افراد کو گرفتار کرکے تحقیقات کا آغاز کردیا ہے۔