اسلام ٹائمز - مقبوضہ کشمیر کے گورنر نے استعفیٰ دیدیا

اپنے مطالبات پورے نہ ہونے پر گزشتہ روز بھارتی قبضہ کو ٹھیک ایک سال پورا ہونے پر لیفٹیننٹ گورنر نے اپنا استعفیٰ صدر کو بھجوا کر بھارتی حکومت کو حیران کن سرپرائز دے دیا۔

اسلام ٹائمز۔ بھارتی حکومت سے شدید اختلافات کے بعد مقبوضہ کشمیر کے لیفٹیننٹ گورنر گریش چندر مرمو نے استعفیٰ دے دیا ہے۔ ذرائع کے مطابق انہوں نے اپنا استعفیٰ بھارتی صدر رام ناتھ کووند کو بھجوا دیا ہے۔ مقبوضہ کشمیر سے ملنے والی اطلاعات کے مطابق مقبوضہ کشمیر پر غاصبانہ قبضہ کے حوالے لیفٹیننٹ گورنر نے اپنے تحفظات بھارتی حکومت کو بھجوائے تھے اور مقبوضہ کشمیر میں انسانی حقوق کی پامالی، مسلسل کرفیو اور لاک ڈاؤن کے حوالے سے کشمیری عوام کی مشکلات سے حکومت کو آگاہ کیا تھا۔ اپنے مطالبات پورے نہ ہونے پر گزشتہ روز بھارتی قبضہ کو ٹھیک ایک سال پورا ہونے پر لیفٹیننٹ گورنر نے اپنا استعفیٰ صدر کو بھجوا کر بھارتی حکومت کو حیران کن سرپرائز دے دیا۔