QR Code

ہیروشیما و ناگاساکی ایٹمی بمباری پر امریکہ سے جواب طلب کیا جائے، سید عباس موسوی

9 Aug 2020 23:57

ایرانی وزارت خارجہ کے ترجمان نے ٹوئٹر پر جاری ہونیوالے اپنے ایک پیغام میں ولیم فالکنر کا قول نقل کرتے ہوئے لکھا ہے کہ دونوں (ایٹمی) بمباریوں کی ذمہ دار ایک ایسی حکومت ہے جو (اپنے جرائم پر) جواہدہ ہونیکے بجائے وسیع پیمانے پر تباہی پھیلانے والے ہتھیاروں کیخلاف یکطرفہ طور پر مدعی بھی بن چکی ہے!

اسلام ٹائمز۔ ایرانی وزارت خارجہ کے ترجمان سید عباس موسوی نے جاپانی شہروں ہیروشیما و ناگاساکی پر امریکہ کی جانب سے کی جانے والی ایٹمی بمباری کی سالگرہ کے حوالے سے ٹوئٹر پر جاری ہونے والے اپنے ایک پیغام میں معروف امریکی مصنف کا قول نقل کرتے ہوئے وسیع پیمانے پر تباہی پھیلانے والے ہتھیاروں کے حوالے سے اختیار کردہ امریکی پالیسی پر تنقید کی ہے۔ سید عباس موسوی نے اپنے پیغام میں لکھا ہے کہ ولیم فالکنر (William Faulkner) کہتے ہیں کہ کوئی بھی واقعہ شاید ایک مرتبہ وقوع پذیر نہیں ہوتا۔

انہوں نے اپنے پیغام میں لکھا کہ کوئی واقعہ چاہے ایک دفعہ وقوع پذیر ہو یا بیشتر مرتبہ، ایٹمی بمباری ایک سے زائد بار انجام پائی ہے۔ ایرانی وزارت خارجہ کے ترجمان نے لکھا کہ ہیروشیما و ناگاساکی پر ہونے والی بمباری کی یاد تاحال جاپانیوں سمیت پوری دنیا کے ذہنوں میں محفوظ ہے۔ انہوں نے لکھا کہ مزید برآں یہ کہ دونوں (ایٹمی) بمباریوں کی ذمہ دار ایک ایسی حکومت ہے جو (اپنے جرائم پر) جواہدہ ہونے کے بجائے وسیع پیمانے پر تباہی پھیلانے والے ہتھیاروں کے خلاف یکطرفہ طور پر مدعی بھی بن چکی ہے!

خبر کا کوڈ: 879289