پاراچنار سے تعلق رکھنے والے سید محمد اور ابرار جان کو رہائی مل گئی

اسلام ٹائمز۔ کرم کی ضلعی انتظامیہ کی طرف سے بلاجواز ایف آئی آر پر گرفتار ہونے والے نوجوان سید محمد اور ابرار جان طوری کو آج انسدادِ دہشتگردی عدالت کوہاٹ نے ضمانت پر رہائی کا حکم دے دیا، جس کے بعد دونوں نوجوانوں کو رہائی مل گئی۔ واضح رہے کہ گذشتہ ماہ پاراچنار سے تعلق رکھنے والے نوجوان سید محمد اور ابرار جان طوری کو گرفتار کرلیا گیا تھا، جس پر سماجی حلقوں نے انتہائی تشویش کا اظہار کیا تھا۔ واضح رہے کہ کرم انتظامیہ نے بالشخیل کے مسئلہ پر بھی طوری عمائدین کیخلاف بلاجواز ایف آئی آرز کا اندراج کیا تھا۔