جی بی میں ایس او پیز کے تحت سیاحت کھول دی گئی ہے، میر افضل

اسلام ٹائمز۔ نگران وزیر اعلیٰ گلگت بلتستان میر افضل نے کہا ہے کہ جی بی میں سیاحت کو ایس او پیز کے تحت کھولا گیا ہے، سیاح ایس او پیز پر عمل کریں۔ گلگت میں اعلیٰ سطح کے اجلاس میں گفتگو کرتے ہوئے نگران وزیر اعلیٰ کا کہنا تھا کہ محرم الحرام میں ایس او پیز کا خیال رکھا جائے، ایس او پیز پر عمل نہ ہوا تو کرونا کیسز بڑھ سکتے ہیں، مذہبی رہنمائوں سے گزارش ہے کہ وہ ایس او پیز پر عمل کرنے کی تلقین کریں۔ انہوں نے کہا کہ گلگت بلتستان کرونا پر بروقت قابو پانے والا صوبہ ہے۔