QR Code

امت مسلمہ کی بے حسی

غاصب صیہونیوں کے ہاتھوں گھر کی مسماری پر کمسن فلسطینی بچی کے بہتے آنسو!

11 Aug 2020 22:50

غاصب صیہونی رژیم نے فلسطینی شہری ابراہیم صبیعہ کا گھر اس وجہ سے مسمار کر دیا کہ اسنے اسرائیلی حکومت سے اجازت نامہ نہیں لیا تھا جبکہ اس حوالے سے نشر ہونیوالی ویڈیو میں دیکھا جا سکتا ہے کہ ابراہیم صبیعہ کی کمسن بیٹی امت مسلمہ کی بے حسی کے سائے میں مسمار ہوتے اپنے گھر کو دیکھ کر آنسو بہاتے ہوئے رو رو کر دہائیاں دے رہی ہے۔

اسلام ٹائمز۔ عرب ای مجلے عربی21 کے مطابق غاصب صیہونی فوجیوں نے فلسطینی دارالحکومت قدس شریف کے اندر ایک اور فلسطینی گھر کو مسمار کر دیا ہے۔ تفصیلات کے مطابق غاصب صیہونی رژیم نے فلسطینی شہری ابراہیم صبیعہ کا گھر اس وجہ سے مسمار کر دیا کہ اس نے اسرائیلی حکومت سے اجازت نامہ نہیں لیا تھا۔ فلسطینی شہری کے گھر کی مسماری سے متعلق میڈیا میں نشر ہونے والی اس ویڈیو میں ابراہیم صبیعہ کی بیٹی کو اشک بہاتے دیکھا جا سکتا ہے جبکہ دوسری طرف گھر مسمار کرتی صیہونی مشینری کی آوازیں بھی سنائی دے رہی ہیں۔ کمسن فلسطینی بچی امت مسلمہ کی بے حسی کے سائے میں آنسو بہاتے ہوئے رو رو کر دہائیاں دے رہی ہے کہ بس کرو! بس کرو! اب ہم کہاں جائیں گے؟ وہ صیہونیوں کے ہاتھوں مسمار ہوتے اپنے گھر کو دیکھ کر اس قرآنی آیت "حسبی اللہ و نعم الوکیل" کی تلاوت کرتی ہے اور دعا مانگتے ہوئے کہتی ہے کہ ہمارا پروردگار ان ظالموں سے ضرور انتقام لے گا۔

خبر کا کوڈ: 879718