QR CodeQR Code

کراچی میں جشن آزادی کے اسٹال پر کریکر حملہ، 5 زخمی

11 Aug 2020 22:47

دھماکے کے بعد علاقے میں خوف و ہراس پھیل گیا اور پولیس کے ساتھ ساتھ قانون نافذ کرنے والے اداروں کے اہلکار بھی موقع پر پہنچ گئے۔ زخمیوں کی شناخت عامر والد عمر 18 سالہ، دانش والد نیاز علی 25 سالہ، انوشہ زوجہ جنید 32 سالہ، افضل ولد فضل 30 سالہ کے ناموں سے بتائی جارہی ہے۔


اسلام ٹائمز۔ کراچی کے علاقے گلشن حدید میں جشن آزادی کے اسٹال پر کریکر حملے میں 5 افراد زخمی ہوگئے۔ پولیس کے مطابق حملہ آوروں نے گلشن حدید میں طاہر حبیب مسجد کے قریب جشن آزادی کی مصنوعات کے حوالے سے لگائے گئے اسٹال کو نشانہ بنایا۔ پولیس کا کہنا ہے کہ اسٹال پر کریکر حملہ کیا گیا جو زوردار دھماکا سے پھٹ گیا، دھماکے کے نتیجے میں 5 افراد زخمی ہوگئے۔

دھماکے کے بعد علاقے میں خوف و ہراس پھیل گیا اور پولیس کے ساتھ ساتھ قانون نافذ کرنے والے اداروں کے اہلکار بھی موقع پر پہنچ گئے۔ زخمیوں کی شناخت عامر والد عمر 18 سالہ، دانش والد نیاز علی 25 سالہ، انوشہ زوجہ جنید 32 سالہ، افضل ولد فضل 30 سالہ کے ناموں سے بتائی جارہی ہے۔ چند روز قبل جماعت اسلامی کی کمشیر ریلی پر بھی کریکر حملہ کیا گیا تھا جس میں ایک شخص جاں بحق اور 20 سے زائد زخمی ہوگئے تھے۔


خبر کا کوڈ: 879721

خبر کا ایڈریس :
https://www.islamtimes.org/ur/news/879721/کراچی-میں-جشن-آزادی-کے-اسٹال-پر-کریکر-حملہ-5-زخمی

اسلام ٹائمز
  https://www.islamtimes.org