اسلام ٹائمز۔ راولپنڈی میں ماں نے دو بیٹیوں کو گلے کاٹ کر قتل کر دیا، تفصیلات کے مطابق تھانہ مندرہ کے علاقے میں ڈھوک علی اکبر میں ماں نے دو بیٹیوں کے گلے کاٹ کر قتل کر ڈالا، قتل ہونے والی بچیوں میں چار سالہ علیشباہ اور دو سالہ عائشہ شامل ہیں۔ ذرائع کا کہنا ہے کہ میاں سے جھگڑے کے بعد انعم نے انتہائی قدم اٹھایا، تھانہ مندرہ کی پولیس نے ملزمہ کو حراست میں لے لیا ہے۔ ابتدائی تحقیقات کے مطابق گھریلو ناچاقی سے تنگ آکر ماں نے بچیوں کو قتل کرنے کے بعد خود تیزاب پی لیا، ماں کو تشویشناک حالت ہسپتال منتقل کر دیا گیا ہے۔